幸福素

善感到甚麼程度至會為十萬光年外的他與孤單的媽做一餐父親節飯？吃得到與吃不到的各有滋味在心頭。今晚有人在他的日誌提到幸福的感覺，然而每個人的幸福定義很不同。記得小時動不動便口水鼻渧四圍流，當時年輕的媽咪不加思索總是餵我兒童幸福傷風素，她以為我天生氣管敏感，實情我一直穿得不夠日日捱凍，咪以為兩歲幾人仔不知道甚麼叫做世態炎涼，溫度低是physically的凍，那只會令人長年患傷風，生命中少了一個人，可是凍到生理心理都失衡，食咩藥都無用。
然後又過了這些年，纏了我廿幾年的長期性傷風不藥而癒，大概因為終於有人成功處方足以代替爸爸的靈丹，然後妙藥忽然停產，加上我過去幾年overdose，藥無晒都無法。最近頻頻乞嚏發作，有睡意幸福素都未能發揮藥效。今晚，吃的餸都醉勳勳，係咪就會唔再怕凍？