夢遊

還以為每個細路都有過離家出走的念頭，但原來大部份小朋友都心甘情願繼續那公式化的每一天。多謝Jim Field Smith拍了這條平凡到死的短片，為每個終日幻想一走了之的人，圓了那個終生達不到的夢，白到無乜好描述的逸夢。孩提時以為亞美利堅就是世界之最，因為那裡連E.T都有，外星人都去，應該唔太衰。直至懂得Cranberries, Dolores唱過Dreams，世界又是另一個樣子。

保您大

睇到呢幅圖，諗起屋企兩隻貓，得兩個半月大，搞事好有一手，且擺明係故意嘅。其他家長見過，都覺得有需要教導吓，但我堅持要縱壞。細路仔跟著我，到咗青春期，係曳到會踢尻啲狗嗰種性格，話晒，蝦人總好過被人蝦。貓同人的感情好神奇，你同佢傾偈，佢好似唔明，但原來佢明。對住一個月已感受良多，想像十年，或甚至二十一年，肯定係生命裡面非常寶貴嘅關係，而且是永遠永遠的。